മാഞ്ഞു പോയൊരു വർഷം

മാഞ്ഞുപോയൊരു വർഷം
മറന്നു പോയൊരു വർഷം,
മഹമാരി വിതച്ചൊരു ഭീതിതൻ ഭാരത്താൽ,
ഭൂലോകം തകർന്നൊരു വർഷം.

തൊട്ടു തീണ്ടൽ നിസ്സാരമായ് മാറ്റിയ
ആകുലകളുടെ വർഷം,
മാഞ്ഞുപോയൊരു വർഷം,
മറന്നു പോയൊരു വർഷം.

പൊള്ളയായുള്ളൊരു സ്വന്ത ബന്ധങ്ങളെ
തുറന്നു കാട്ടിയ വർഷം,
മാഞ്ഞുപോയൊരു വർഷം,
മറന്നു പോയൊരു വർഷം.

മനസ്സിനോടൊപ്പം മുഖവും മറയ്ക്കുന്ന
മാറാല കെട്ടിയ വർഷം,
മാഞ്ഞുപോയൊരു വർഷം,
മറന്നു പോയൊരു വർഷം

നാടായ നാടൊക്കെ പാറി നടന്നവർ,
വീട്ടിൽ പിണഞ്ഞൊരു വർഷം,
മാഞ്ഞുപോയൊരു വർഷം,
മറന്നു പോയൊരു വർഷം.

ജീവിത ലക്ഷ്യങ്ങൾ നേരായ മാർഗ്ഗത്തിൽ
മാറ്റുവാൻ തോന്നിച്ച വർഷം,
മാഞ്ഞുപോയൊരു വർഷം,
മറന്നു പോയൊരു വർഷം.

പാഠങ്ങൾ ഒത്തിരി പഠിപ്പിച്ചു തന്നൊരു
പുതുമകളുള്ളൊരു വർഷം,
മാഞ്ഞുപോയൊരു വർഷം,
മറന്നു പോയൊരു വർഷം…

ചെറുത്തു നിൽപ്

നിങ്ങൾ വിതച്ചൊരു വർഗ്ഗീയതയുടെ വിഷവിത്തുകൾ
പൊട്ടിമുളക്കുന്നു,

നിങ്ങളിൽ ഉള്ളൊരു ഹിന്ദുവും മുസ്ലിമും മനുഷ്യത്വത്തെ മറക്കുന്നു;

ഗോഡ്‌സെ കൊന്നൊരു ഗാന്ധിയെ നിങ്ങൾ വീണ്ടും വീണ്ടും കൊല്ലുന്നു,

ഭാരത നാടിൻ നല്ലൊരു ഭാവിയെ നിങ്ങൾ തല്ലി തകർക്കുന്നു.

സൗഹാർദത്തിൻ സ്നേഹമനസ്സുകൾ നിങ്ങൾ കീറി മുറിക്കുന്നു,

മത ഭ്രാന്തിന്റെ നീച്ചവ്യവസ്ഥകൾ നാട്ടിൽ നടത്താൻ ശ്രമിക്കുന്നു;

ഇല്ല നിങ്ങൾക്കിനിയും ഞങ്ങളെ തമ്മിലകറ്റാനാവില്ല,

ജാതി മതത്തിൻ പേരു പറഞ്ഞിനി രാജ്യം മുറിക്കാൻ നോക്കേണ്ട…

Nettle Trees Farm Stay & Cafe Hackberries

 

 

Click here to view the Nettle Trees Farm Stay & Cafe Hackberries Gallery

വെറുപ്പിന്റെ വക്താക്കൾ

നന്മയുടെ വെളിച്ചം കെടുത്തുന്നവർ,
ഇവർ വെറുപ്പിന്റെ വക്താക്കൾ;
മനുഷ്യരെ മറന്നവർ മതത്തെ പുണരുന്നു,
മനസ്സിനെ അകറ്റുന്നു, മരണം വിതയ്ക്കുന്നു…

ദരിദ്രനെ ഇകഴ്ത്തുന്നു,

ധനികനെ വാഴ്ത്തുന്നു,
ഇവർ നാടിന്റെ വർളർച്ചയെ പിന്നോട്ടടിക്കുന്നു…

നുണകൾ പരത്തുന്നു,
ബന്ധങ്ങൾ മറക്കുന്നു,
ഒരുമയുടെ ശീലങ്ങൾ
തകർക്കാൻ ശ്രമിക്കുന്നു…

ഇവർക്കില്ല ആദർശം,
ഇവർക്കില്ല ആശയം,
ഇവർക്കുള്ളതൊക്കെയും അധികാര ലക്ഷ്യങ്ങൾ…

വെറുപ്പിന്റെ കൈകളെ നാം തരിച്ചറിയണം,
കളവിന്റെ രാഷ്ട്രീയം ഒന്നായി തകർക്കണം;
ഇരുൾ വീണ വഴികളിൽ വെളിച്ചം പകരണം,
നാടിന്റെ നമയെ നാം ഇനി കാക്കണം…

ചുവപ്പ്

രക്തം നൽകുവാൻ ചെന്നു,
ചോദ്യാവലി കയ്യിൽ തന്നു,
കണ്ടില്ല  ഞാൻ അതിൽ എങ്ങും,
എൻ മതം ഏതെന്ന ചോദ്യം…

ഹിന്ദുവിൻ രക്തം ചുവപ്പ്,
അഹിന്ദുവിൻ രക്തവും ചുവപ്പ്,
അങ്ങുന്നിൻ രക്തം ചുവപ്പ്,
അടിയന്റെ രക്തവും ചുവപ്പ്…

രക്തത്തിനില്ല ജാതി-മതമൊന്നും,
വിശപ്പിനുമില്ല ജാതി-മതമൊന്നും,
തുലയട്ടെ ജാതി-മത വൈര്യം,
പൂത്തുലയട്ടെ മനുഷ്യത്വം എങ്ങും…

Previous Older Entries